Саргылана Худаева: Бу күннэргэ эр дьоҥҥо саамай күүтүүлээх кэм — сааскы маҥнайгы куска бэлэмнэнии үгэнэ

Уолбут  кусчуттарыгар
муус устар 25 күнүгэр  «КУС АБЫЛАҤА» диэн күрэх буолан ааста. Күрэс сыалынан буолар:
күрэххэ кусчут   бэлэмнэрин көрдөрүүтэ, улахан киһи оҕону кус абылаҥар уһуйуута, төрүт идэни харыстааһын – оҕо кыра эрдэҕиттэн төрөппүттэрин, төрүттэрин үлэтин-хамнаһын, бултуур ньымаларын баһылыырга иитии. Эр дьону культурнай тэрээһиннэргэ кыттарга көҕүлээһин.
Кусчуттар  күрэстэригэр 3 хамаанда иккилии кыттааччыаах кэлэн 5 түһүмэххэ кииристилэр. Аҕа
уолунаан, убай быраатынаан кытыннылар.
Зал толору көрөөччү тоҕуоруспут. Кусчут маҥнай кустуур сиригэр тиийээт, кулуһун оттон палатка туруорунар. Онон бастакы түһүмэххэ күрэс балаһыанньатынан кыттааччылар палатканы бириэмэҕэ таҥан туруораллар уонна төттөрү хомуйуохтаахтар. Дьэ манна ким түргэн туттунуулааҕа билэр күрэһэ буолла.
Кусчут палаткатын туруоран баран дьэ саатын-сэбин бэлэмниир. Онон иккис түһүмэххэ СААНЫ ЫҺЫЫ-ТАҤЫЫ бириэмэҕэ ыытылынна.
Төрдүс түһүмэххэ оҕолор кус саҥатын истэн ханнык ааттаах кус саҥарарын таайыахтаахтар. Хас сөпкө таайдахтарын аайы очко эбиллэн иһэр. Бу түһүмэххэ оҕолор бэлэмнэммиттэрэ, бултка интэриэстээхтэрэ көһүннэ.
Төрдүс түһүмэххэ кус саҥатын духовой маногунан саҥардыы. Күрэс кыттааччылара сүрдээҕин кыһаллан тыаһаттылар
Салгыы ким кыраҕытын быһаарар  түһүмэххэ тургутустулар. Араас балаһыанньаҕа көтөн иһэр кустары дротигынан таба быраҕыыга сытыы киирсии буолла. Ким дьиэтигэр төһө кустаах тиийэрэ быһаарыллар түһүмэххэ оҕо аҕатынаан таппыт кустарын ахсаана эбиллэн сурукка тиһилиннэ.
Бу күрэҕи ыытарга сүрүн идиэйэни киллэрбит, кулууп ыытар тэрээһинигэр барытыгар көхтөөх кыттыыны ылар Виктор Николаевич Фомичев.
Оттон «Кус Абылаҥа» уопсай түмүгүнэн кыайыылаахтары быһаарылынна.
—  үһүс бириистээх миэстэни ыллылар убайдыы быраат Алексей уонна Петя (6 кл үөрэнээччитэ).
Урбаанньыт Дмитрий Худаев туруорбут бирииһинэн уонна биир пачка ботуруонунан наҕараадаланнылар.
Иккис миэстэни биир очконнан хаалан  Виктор, Савелий Фомичевтар ыллылар. Урбаанньыт Михаил Михайлов бирииһин (спальнай мешок) уонна икки пачка ботуруону туттулар.
Саамай элбэх очкону ылан КЫАЙЫЫЛААҔЫНАН таҕыстылар Сеня Попов, Юрий Сафонов. Урбаанньыт Иннокентий Михайлов бирииһин (набор ключей) уонна 25 шт патронунан наҕараадаланнылар.
Күрэхтэһиигэ олус дьоһун бириистэр туруоруллубуттарын дьон астына бэлиэтээтэ. Хас биирдии түһүмэххэ үчүгэй көрдөрүүнү ылбыт кыттааччылар бириистэри тутан сүрдээҕин астыннылар. Түгэнинэн туһанан махтанабыт тэрээһиммитин өйөөбүт спонсордарбытыгар Михайлов М.Г. ("Тойулук" КХ), Михайлов И.Г. (М*К ООО ), Худаев М.А. (мас ууһа), Худаев Д.В. (ИП "Одейка" маҕаһыын), Михайлова В. Б. ("Кэрэлээ" илии оҥоһуга)
Кыттааччылар бары илии тутуурдаах, өттүк харалаах бардылар. Тэрээһиммит санаа хоту барбытыттан биһиги тэрийбит дьон астынныбыт уонна нэһилиэккэ эр дьон сынньанар киинҥэ кэлэн маннык көрдөөх кыттыыны ылалларыгар өссө да күүтэбит. Быйылгы сааскы куска Баай Баралаах Байанайгыт эһиэхэ куһуттан хото күндүлээтин, булдуттан бэристин диэн алгыы хаалабыт.

Дополнительные фотографии:  Загрузить / Загрузить / Загрузить / Загрузить / Загрузить