Блокадный хлеб

Аан дойдуну аймаабыт Аҕа дойду Улуу сэриитин кэмигэр биир саамай умнуллубат, иэдээннээх түгэнинэн 872 күн устата барбыт Ленинград блокадата буолар. Кырыктаах фашистар сидьиҥ быһыылара, оҕону-дьахтары аһыммат, киһи тылынан сатаан эппэт быһыыта-майгыта устуоруйаҕа хаалбытын кинигэттэн, хаһыаттан, билигин интернеттэн ааҕан билэбит.1944 сыллаахха тохсунньу 27 күнүгэр Ленинград куорат төгүрүктээһинтэн босхоломмут күнүгэр аналлаах тэрээһин "Эйгэ" сынньанар киинигэр бэҕэһээ буолан ааста.

Уолбуттааҕы 9 кылаастаах оскуола үөрэнээччилэрэ Айталина Ивановна Чичирбынова бэлэмнээбитинэн Ленинград блокадатын туһунан иһитиннэрии оҥордулар, хоһоон аахтылар. Бу маны барытын презентацияннан хаартысканнан көрдөрдүлэр. Учуутал бэйэтэ аҥаардас информацияны эрэ биэрбэккэ, араас кылаастартан оҕолору бэлэмнээбитэ ордук көдьүүстээх.

Иитиллээччилэрэ уруһуйдарын көрдөрдүлэр, хоһоон аахтылар. Мария Алексеевна оҕо кыра сааһыттан сэрии алдьархайын билэригэр, Ленинград блокадатыгар кыра саастаах оҕолор дьылҕаларыгар аһыныгас, амарах санааны иитэргэ үлэлэһэрэ көстөр.

Ол кэмнээҕи 125 гр хара хлеб аччык оҕолорго төһөлөөх күүтүүлээҕин, ийэ оҕотугар нуорма хлебын сиэтэн баран, бэйэтэ аччыктыырын, бу нуорма хлеб төһөлөөх киһи тыынын салҕаабытын оҕолорго өйдөтөр "Блокадный хлеб" акция ыытылынна. Төһөлөөх кыра хлебынан блокаданы туораабыттарын оҕолор илэ биллиннэр диэн хара хлебы амсайдылар

Виктор Николевич Фомичев эһэтин Фомичев Виктор Николаевич туһунан сүрдээх интэриэһинэйдик кэпсээтэ. Кини эһэтэ Ленинградка төрөөбүт. Блокада саҕана 2-3 уолчаан эбит. Кини ийэтин кытта эвакуацияҕа түбэһэн Ленинградтан блокадаттан тахсыбыттар. Аара баран иһэн 2-3 саастаах уолчаан поеһыттан ийэтинээн сүтэрсэн хаалан хаалбыт. Барахсан төһөлөөх ытаабыта, аччыктаабыта буолуой? поезд рельсэтин устун хааман истэҕинэ сэбиэскэй саллааттар түбэһэ кэлэн илдьэ барбыттар. "Сын полка" оҥостуохтарын хамандыырдара сөбүлэммэтэх уонна детдомҥа илдьэн туттарбыт. Кэлин сэрии бүппүтүн кэннэ 14 саастаах хороччу улааппыт уолу ийэтэ ирдэһэн, булан бэйэтигэр ылбыт. Кэлин Фомичев Виктор Николаевич Саха сиригэр Целинаҕа үлэлии кэлэн баран манна олохсуйа хаалбыт уонна кэргэннэнэн оҕо бөҕөнү төрөтөн Уолбукка олорбуттара. Ол эһэтин аатын ылбыт Виктор Николаевич дьылҕата Ленинград блокадатын кытта ыкса сибээстээҕин туһунан кэпсээбитин киһи умсугуйа истэр.
Кулуубка аҥаардас ырыа, үҥкүү эрэ буолбакка, араас тематикалардаах,  оҕону өй-санаа өттүнэн сайыннарар, дойдуга бэриниилээх буоларга иитэр, билии  биэрэр тэрээһиннэр буолуохтаахтар. Көтүппэккэ кэлэн көрүҥ, кыттыыны ылыҥ диэн ыҥырабыт.

Дополнительные фотографии:  Загрузить / Загрузить / Загрузить / Загрузить / Загрузить / Загрузить / Загрузить / Загрузить / Загрузить / Загрузить / Загрузить / Загрузить / Загрузить / Загрузить