Алтынньы 27 күнүгэр "Эйгэ" сынньанар киинин иһинэн үлэлиир БИБЛИОТЕКА хоһугар төрөппүттэр оҕолорун аҕалан сырытыннардылар

Библиотекарь Татьяна Петровна оҕолорго араас кинигэни көрдөрдө, кэпсээтэ. Оҕолор сүрдээҕин сэҥээрэн кинигэни көрдүлэр. "Үҥкүүһүт саһыл" диэн чувашскай остуоруйаны кукольнай театр көмөтүнэн тыыммакка да олорон көрдүлэр. Тарбахха кэтиллэр кукланы хамсатарга, саҥардарга Татьяна Петровна оҕолору дьарыктаата. Тэрээһин сыала-соруга оҕолорго  кинигэҕэ интэриэһи үөскэтии, бибилэтиэкэ үлэтигэр иитээччи, төрөппүт болҕомтотун тардыы буолар. Билиҥҥи телефон сайдыбыт үйэтигэр кинигэни көрөр, кинигэттэн остуоруйаны кэпсиир төрөппүт ахсаана биллэ аҕыйаата.  Оҕолорго кинигэни куруук доҕор оҥостоллоругар уһуйаан өттүттэн бибилэтиэкэни кытта ыкса сибээстээх үлэ барыахтаах диэн санаалаахпыт. Кинигэ күүһүнэн оҕону сайдыылаах, култууралаах,  үөрэхтээх, киэҥ өйдөөх-санаалаах киһини иитэн таһаарарбытын, кинигэни ааҕыы туохха да тэҥнэспэт үчүгэй дьарык буоларын умнуо суохтаахпыт.
Тэрээһин бүтүүтүгэр төрөппүттэр бибилэтиэкэттэн кинигэ уларсан илдьэ бардылар. "Эйгэ" сынньанар киинэ оҕолорго кинигэ бэлэх уунна. Иитээччилэргэ үлэлэригэр туһалаах саҥа кинигэ быыстапката турда.  "Суруллубут суоруллубат" диэн бэргэн этииннэн бүгүҥҥү таһаарыыбытын түмүктүүбүт.