Саха Судаарыстыбаннаһын күнүгэр аналлаах АВТОКВЕСТ бэҕэһээ Уолбукка аан маҥнай буолан ааста

Биэстии киһилээх 5 хамаанда күөн көрүстэ, илин-кэлин түһүстэ. Хамаандалар бары да сүрдээҕин бэлэмнэммиттэр, бары тэҥ формалаахтара олус үчүгэйдик көстөр. Саамай киһини сүргэтин көтөҕөрө диэн хаһан да кыттыбатах дьон кытынна, аҕам саастаахтарбыт туора турбатылар.  Биэс хамаанда биэс заданиялары араас сиртэн булан толордо, ким эрэ түргэнник булан үөрүү өрөгөйүн биллэ, ким эрэ булуохтаах сирин таба булбакка долгуйда, ыксаата. Саамай түмүк сорудахха кистэнэн сытар САХА былааҕын булан, сөп түбэһэр күлүүһүн булан аһан, кулуупка бастакыннан тиийэн кэлбит хамаанда кыайда. Ол хамаанданнан буолла "СУЛУС" хамаанда. Көһөрүллэ сылдьар кубогынан, 5000 харчыннан, грамотаннан наҕараадаланна.
Саха сирин Өрөгөй ырыатыгар иһийэн туруу да баара, сахалыы оһуохай да оонньонно. Саха сирин былааҕын күөрэччи көтөҕөн, кырдьык да төрөөбүт дойдуннан киэн туттуу, сомоҕолоһуу, түмсүүлээх буолуу бу автоквестка барыта баара.

Файл:  Загрузить