Уолбукка бүгүн "Оҕо көмүскэлин күнэ" буолан ааста

Кылаас салайааччылара үөрэнээччилэринээн, төрөппүттэринээн
детскэй площадканы араас өҥнөөх шаригынан, саламаннан, сибэккиннэн дьэргэччи киэргэппиттэрэ бырааһынньыктааҕы атмосфераны ситэрэн биэрдэ. Төрөппүттэр оҕолоругар минньигэс астаах остуол тарпыттар. Бырааһынньыкка оҕолор ырыаны, үҥкүүнү көҕүлүттэн туттулар, арааһынай күрэхтэр, оонньуулар тэриллэн ыытылыннылар. "Чаринка" уһуйаан оҕолоро "Кыһыл бэргэһэчээн" диэн үҥкүүнү туруордулар, Сандра Д, Сандаара Б. ыллаан чаҕаардылар. Петя П, Стасик Торговкин "Сэрии аны буолбатын" диэн ырыаны толордулар. Таня Худаева аныгылыы матыыпка дьүөрэлээн хомуска оонньоон иһитиннэрэн дьон сэҥээриитин ылла. Мия Фомичева "Матушка земля" диэн ырыаны үрдүк таһымҥа толорон ытыс дохсун тыаһынан доҕуһуолланна.
Бырааһынньык кэмигэр оҕолор мыльнай пузырь таһаара оонньообуттарын олус сөбүлээтилэр.
Киэһэ өттүгэр уоттаах-күөстээх, оонньуулаах дискотека оҕолорго ыытылынна.
Хас ыал аайытын оҕо саҥата чуопчаардын, хас биирдии оҕо мичээрэ таптал уйатын дьолунан толордун!❤️
☀️Күндү көмүс оҕолорбут көмүскэллээх, бары өттүнэн сайдыылаах, киэҥ билиилээх, чэгиэн туруктаах, чөл өйдөөх-санаалаах буола улаатыннар!
Бырааһынньыгы тэрийсибит
А.А. Фомичеваҕа махтал мааныта, баһыыба бастыҥа.

Бырааһынньыгы тэрийдэ Уолбуттааҕы "Эйгэ"сынньанар киин". 1.06.2025

Видео

Дополнительные фотографии:  Загрузить / Загрузить / Загрузить / Загрузить / Загрузить / Загрузить / Загрузить / Загрузить